مش بنقولك الوحدة حلوة. بنقولك شُفنا منها إيه.

أيوه، معظم شركات التطوير بتسمح بنقل التعاقد لطرف تاني بشروط معيّنة، وغالبًا مقابل رسوم تنازل بتحددها الشركة.

الصفقة بتتلغي من غير أي عمولة على أي طرف، ومصير العربون بيتحدد حسب الاتفاق المكتوب الموقّع.

الإلغاء مع المطور غالبًا بيخصم نسبة من المدفوع وبيرجّعلك الباقي على دفعات. التنازل بيخليك تستلم كاش أسرع. تقدر تقارن بأرقام عقدك في الحاسبة.

العقد وإيصالات السداد وبيان المديونية وبند التنازل وموقف المطور. كل عنصر بيتعلّم في حالة التحقق بعد ما الفريق يشوف مستنده، واللي لسه ما اتشافش بيظهر «قيد المراجعة».

البائع وحده. المنصة بتعرض البيانات زي ما البائع بيقدّمها وبتوضّح حالة التحقق، ومراجعتها ما بتنقلش المسؤولية.

بند بيتفق عليه الطرفان قبل التوقيع وبيتكتب في الاتفاق. الشائع إن المشتري بيتحملها، بس مفيش قاعدة ثابتة.

يوم إتمام التنازل في مقر المطور، بعد ما العقد ينتقل باسم المشتري. مفيش أي رسوم مقدمة لعرض وحدة أو للتصفّح.

عمولة المشتري 1% من الكاش من غير حد أدنى: 400,000 ← 4,000 ج.م، و800,000 ← 8,000، و2,700,000 ← 27,000، و6,000,000 ← 60,000. وعمولة البائع نصّها — 2,700,000 ← 13,500 — وبتتحسب بس لو كان طالب كاش أكتر من اللي دفعه للمطور. الجدول كامل في صفحة الأمثلة.

أيوه — مثال كامل خطوة بخطوة في صفحة الأمثلة التوضيحية.

ضريبة التصرفات العقارية بنسبة 2.5% من قيمة التصرف، والبائع هو الملزم بها. فيه حاسبة تقديرية في صفحة الحاسبة — والحسبة استرشادية ومش استشارة ضريبية.

في شروط الاستخدام وسياسة الخصوصية، وإخلاء المسؤولية.

1. دور المنصة. Smart Unit وسيط بيربط بين طرف عايز يتنازل عن تعاقده وطرف عايز يستلمه، وبيسهّل الإجراءات. المنصة مش طرف في العقد بين البائع والمشتري، ومش طرف في العقد الأصلي مع المطور.

2. موافقة المطور. إتمام أي تنازل متوقف على موافقة الشركة المطوّرة وسياستها ورسومها. المنصة بتسعى للحصول على الموافقة، لكنها ما بتضمنش صدورها.

3. العمولة. يتحمل المشتري عمولة قدرها 1% من قيمة الكاش المدفوع للبائع من غير حد أدنى. ويتحمل البائع عمولة قدرها 0.5% من قيمة الكاش ذاته إذا كان المبلغ الذي طلبه أكبر من إجمالي ما سدّده للمطور حتى تاريخ العرض؛ وإذا كان المبلغ مساويًا لما سدّده أو أقل منه فلا تُستحق عليه عمولة. وتستحق العمولتان يوم إتمام التنازل ونقل العقد، ولا تُستحق أي عمولة إذا لم يتم التنازل.

4. صحة البيانات. البائع وحده مسؤول عن صحة العقود، وبيانات الوحدة، وطرق وشروط السداد، وكل التفاصيل اللي بيقدّمها. مراجعة المنصة للمستندات ما بتنقلش المسؤولية ليها، والمسؤولية القانونية عن أي خطأ أو تزوير أو إخفاء بتقع على البائع.

5. العربون. بيتحدد في اتفاق مكتوب بين الطرفين، ومصيره في كل حالة — ومنها رفض المطور للتنازل — بيخضع لبنود الاتفاق الموقّع.

6. الأرقام الاسترشادية. نتائج الحاسبة والتقديرات المعروضة استرشادية وبتختلف حسب بنود كل عقد. مش استشارة قانونية ولا مالية، ومش وعد بنتيجة.

البيانات اللي بنجمعها. اسمك ورقم موبايلك وبيانات وحدتك ومستنداتها، واللي بتدخلها بنفسك في نماذج الموقع أو بتبعتها على واتساب.

استخدامها. للتحقق من الوحدة، ومطابقتها مع طرف مناسب، وإتمام إجراءات التنازل. مش بنبيع بياناتك ولا بنأجّرها لأي جهة.

المشاركة. بنشارك بيانات الوحدة مع المشترين الجادين بعد موافقتك، وبنشارك المستندات مع المطوّر للإجراءات الرسمية. بيانات التواصل مش بتظهر علنًا على الموقع.

الخروج الصامت. لو اخترت العرض بدون بيانات علنية، بتتعرض أرقام الوحدة بس من غير اسمك ولا موقعها التفصيلي ولا أي تفاصيل تعريفية.

حقوقك. تقدر تطلب سحب وحدتك أو حذف بياناتك في أي وقت عن طريق نفس وسيلة التواصل.

التخزين المحلي. المفضلة والمقارنة والتنبيهات وآخر الوحدات اللي شفتها بتتخزّن على متصفحك إنت بس. ولو سألت عن وحدة، اسمك ورقمك بيتحفظوا على جهازك عشان ما نسألكش تاني، وبيوصلونا مع طلبك بس.